باسم الزعيم اللي حكم بالجزيره *** ليث العروبه والعرب واف الاشبار
ابن رشيد اللي قليلن نضيره *** يوم انها مابين مغزا ومسبار
انخاك ياستار عرض القصيره *** ياتركي الفيصل ذرا كل محتار
وقتي ظغا شره على قل خيره *** وانت الرجاء بعد الله النافع الضار
ينصاكم المحتاج من كل ديره *** مثل الكواكب ماخفت كل الاقطار
سلايل اللي مايوصف بغيره *** ابن رشيد اللي صقر كل صقار
من هيبته طابت نفوسن شريره *** ومن سطوته مايقربه طالب النار
وانت الحفيد ومستجيرك تجيره *** شان الزمان وجار والحيل منهار
الشاعر / محمد بن عمران بن صالح الرشيدي
Leave a Reply